गजल

मेरो टोपी

हिमाल पहाड तराईले लगाउने मेरो टोपी

वीरहरुको उच्च शिर गराउने मेरो टोपी

लालीगुराँस सुनाखरी जस्तै भिरमा फुलेर नि

नेपालीको स्वाभिमान जगाउने मेरो टोपी

सहासिला गोर्खालीको खुकुरीको धार जस्तो

शत्रुहरुको हात खुट्टा कमाउने मेरो टोपी

तीन करोड नेपालीको पहिचान झल्काउदै

सद्भावको श्रीपेचझैँ सुहाउने मेरो टोपी।।।

देश तथा बिदेशमा रहनुहुने सम्पुर्ण नेपाली दाजुभाइ तथा दिदी बहिनी हरुमा नेपाली टोपी दिवसको हार्दिक शुभकामना।।

नाम:आकाश दाहाल (पुस्ता न.: १९)

मूल थलो: हालको महालक्ष्मी न.पा.२ धनकुटा,

जन्म:हालको कानेपोखरी गा.पा. २ मोरंग

हाल: काठमाडौं म.न.पा. १६, बनस्थली